"ბარსელონა" ნეიმარით უკმაყოფილოა

როგორც La Vanguardia ავრცელებს ინფორმაციას, "ბარსელონას" ხელმძღვანელობა, ბრაზილიელი ვარსკვლავის, ნეიმარის ბოლოდროინდელი წარუმატებლობის ფონზე, 24 წლის ფეხბურთელის ცხოვრების წესით უკმაყოფილოა. კატალონიელების აზრით, ნეიმარი ძალიან დიდ დროს უთმობს გართობას, დასვენებას და რეკლამებში მონაწილეობას.

აღსანიშნავია, რომ "ბარსა" ამას ყურადღებას აქამდეც აქცევდა, თუმცა ახლა ეს პრობლემა უფრო გაიზარდა. კატალონიურმა კლუბმა ბოლო 6 მატჩიდან ერთი მოიგო, ნეიმარმა კი მხოლოდ ერთი გოლი გაიტანა.

ესპანეთის ჩემპიონატის მიმდინარე გათამაშებაში ნეიმარმა 29 მატჩი ჩაატარა, გაიტანა 21 გოლი და გააკეთა 10 შედეგიანი გადაცემა.