დენის სუარესმა იანვარში "ზენიტი" უარით გაისტუმრა

მადრიდული Marca-ს მიერ გავრცელებული ინფორმაციის თანახმად, "ვილიარეალის" ნახევარმცველის, დენის სუარესის შეძენას, რომელიც "ბარსელონას" აღზრდილია, ზამთრის სატრანსფერო ფანჯრის დროს "ზენიტი" ცდილობდა.

წყაროს ცნობით, სანკრტ-პეტერბურგელებმა 22 წლის ესპანელს სარფიანი შეთავაზება გაუკეთეს, მაგრამ მან "ვილიარეალში" დარჩენა არჩია.

სურესმა ზაფხულში უარით გაისტუმრა "სიტი", "არსენალი" და "ტოტენჰემიც". ახალგაზრდა ფეხბურთელის თავის გუნდში ხილვა სურს "ბარსელონას" მთავარ მწვრთნელს, ლუის ენრიკესაც. თავად ფეხბურთელიც არაა კატალონიურ კლუბში დაბრუნების წინააღმდეგი. სავარაუდოდ, სუარესი სწორედ "ბარსაში" გადავა, რომელიც ფეხბურთელის 3 მილიონ ევროდ გამოსყიდვის უფლებას ფლობს.

დენის სუარესმა ესპანეთის ჩემპიონატის მიმდინარე გათამაშებაში 31 მატჩი ჩაატარა, 4 გოლი გაიტანა და 7 შედეგიანი გადაცემა გააკეთა.