ლიონელ მესი. ცხოვრების წესები

გთავაზობთ მსოფლიო ფეხბურთის ისტორიაში ერთ-ერთი საუკეთესო, თუ არა საუკეთესო ფეხბურთელის, "ოქროს ბურთის" ხუთგზის მფლობელის, ლიონელ მესის რამდენიმე ყველაზე ცნობილ ციტატას.

- ფული ჩემი მოტივაცია არ არის. ეს ჩემს თამაშში ვერანაირ გავლენას ახდენს. ბურთთან შეხებით უბრალოდ ბედნიერი ვარ.

- ფეხბურთის თამაშში ფულს რომ არ იხდიდნენ, უფასოდ ვითამაშებდი.

- მიყვარს კონკურენცია და მძულს მარცხი. წაგების შემდეგ ვინმესთან ლაპარაკიც კი არ მინდა.

- მათ, ვინც ამბობს, რომ პრემიერ ლიგის რთულ პირობებში არ მითამაშია, სავარაუდოდ, არ იციან, თუ როგორი ვითარება იყო როსარიოში. იქ მოედანზე მინა და ორმოების სრული კომპლექტი იყო. მიუხედავად ამისა, მაინც კარგად გამოვიყურებოდი.

- ჩემსა და რონალდუს შორის, ურთიერთპატივისცემის გარდა, არაფერია. ვთამაშობთ საკუთარი გუნდებისთვის და ვართ მტრები მოედანზე, მაგრამ არა ცხოვრებაში.

- არ მაინტერებს რეკორდები, მათ არ მოაქვთ ტიტულები.

- ოცნების ასახდენად უნდა იბრძოლო, თავდაუზოგავად იმუშაო და მსხვერპლის გასაღებად მზად იყო.

- არაფერია ბავშვის ღიმილის ნახვაზე უკეთესი. ყოველთვის ვცდილობ, მათ ავტოგრაფი მაინც ვუსახსოვრო. ასეთი ღიმილი ჩემთვის უფრო ღირებულია, ვიდრე ყველა ფული მსოფლიოში.

- ყოველთვის მიყვარდა ფეხბურთი და დიდ დროს ვუთმობდი. ბავშვობაში, მეგობრები ხშირად მეძახდნენ სათამაშოდ, მაგრამ სახლში ვრჩებოდი, რადგან მეორე დღეს ვარჯიში მქონდა.

- ჩემთვის გუნდთან ერთად წარმატება უფრო მნიშვნელოვანია, ვიდრე ინდივიდუალური ჯილდოები და ბევრი გოლი. როდესაც ეს ყველაფერი დასრულდება, რა დარჩება? ვიმედოვნებ, კარგ ბიჭად გამიხსენებენ.

- შეუძლებელია, უკვე მიღწეულმა წარმატებამ გამარჯვების სურვილი მოკლას.

- ფეხბურთის თამაშისგან ისეთივე სიამოვნებას ვიღებ, როგორსაც ბავშვები ქუჩაში.

- სასიამოვნოა, როდესაც ისტორიაში ერთ-ერთ საუკეთესოს გიწოდებენ. თუმცა, თუ ტიტულებს ვერ მოიგებ, ეს არაფერს ნიშნავს.

- ყოველთვის ვიცოდი, რომ ფეხბურთის გულისთვის ბევრი რამის დათმობა მომიწევდა. დავტოვე არგენტინა, ოჯახი, მეგობრები. მაგრამ ყველაფერი, რაც გავაკეთე, ფეხბურთის და საკუთარი ოცნებების გამო.

- წლის დასაწყისში ყოველთვის გუნდთან ერთად წარმატების მიღწევაზე უნდა იფიქრო. ინდივიდუალური პრიზები ასეთი მნიშვნელოვანი არ არის.

- საყვარელ გოლად არცერთს მივიჩნევ. მახსოვს მნიშვნელოვანი გოლები, მაგრამ ვერცერთს გამოვარჩევ.

- არასდროს მითქვამს უარი არგენტინელობაზე. არასდროს მინდოდა ეს.

- არ აქვს მნიშვნელობა, ამხანაგური თამაშია, ქულების მოსაპოვებელი, თუ ფინალი. ყოველთვის ერთნაირად ვთამაშობ.

- გამიმართლა, რომ ვარ იმ გუნდის ნაწილი, რომელიც მეხმარება, ვიყო ძლიერი. გუნდის მიერ ჩემს განვითარებაში შეტანილი წვლილი არანაკლებია, ვიდრე მე შემიტანია მასში.

- ზოგჯერ უნდა შეეგუო იმ ფაქტს, რომ ყოველთვის გამარჯვებული ვერ იქნები.

- "ბარსელონაში" კარიერის ბოლომდე დარჩენის სურვილი მაქვს.

- გატანა ყოველთვის სასიამოვნოა. არ აქვს მნიშვნელობა, ვის წინააღმდეგ იქნება ეს.

- როგორც ჩანს, ხალხს უნდა, ყველაფერში მე დამადანაშაულოს. ერთადერთი, რისი გაკეთებაც შემიძლია, ფეხბურთის თამაშია.

- ცხოვრებაში არსებობს ბევრად უფრო მნიშვნელოვანი მომენტები, ვიდრე მოედანზე გამარჯვება ან დამარცხებაა.

- როდესაც დადგება დღე და ფეხბურთით ვეღარ ვისიამოვნებ, ეს ჩემი კარიერის ბოლო დღე იქნება.