პუიოლი, ინიესტა და ანრი ევროპის ჩემპიონატის სიმბოლურ ნაკრებში მოხვდნენ

ევროპის 2016 წლის ჩემპიონატის დაწყების წინ, UEFA-მ ამ ტურნირის ისტორიის გათვალისწინებით შედგენილი სიმბოლური ნაკრები დაასახელა. გუნდის შედგენაში მონაწილეობა გულშემატკივრებმა მიიღეს.

სიმბოლურ გუნდში 3 ფეხბურთელი მოხვდა, რომლებსაც "ბარსელონაში" უთამაშიათ. ესენი კარლეს პუიოლი, ანდრეს ინიესტა და ტიერი ანრი არიან.

სიმბოლური გუნდი ასე გამოიყურება: ჯანლუიჯი ბუფონი (იტალია); პაოლო მალდინი (იტალია), ფრანც ბეკენბაუერი (გერმანია), კარლეს პუიოლი (ესპანეთი), ფილიპ ლამი (გერმანია); ანდრეა პირლო (იტალია), ანდრეს ინიესტა (ესპანეთი), ზინედინ ზიდანი (საფრანგეთი); ტიერი ანრი (საფრანგეთი), მარკო ვან ბასტენი (ჰოლანდია), კრიშტიანუ რონალდუ (პორტუგალია).