ევროპის ჩემპიონატს ესპანეთიც გამოეთიშა

დასრულდა ევროპის 2016 წლის ჩემპიონატის 1/8 ფინალის შეხვედრა იტალიასა და ესპანეთს შორის, სადაც გამარჯვება "სკუადრა აძურამ" მოიპოვა (2:0).

შეხვედრაში პირველი გოლი 33-ე წუთზე ჯორჯო კიელინიმ გაიტანა, შეხვედრის მიწურულს კი გრაციანო პელემ ყველაფერს წერტილი დაუსვა.

მოედანზე 90 წუთი გაატარეს "ბარსელონას" მოთამაშეებმაც: სერხიო ბუსკეტსმა, ჟორდი ალბამ, ანდრეს ინიესტამ და ჟერარ პიკემ. აღსანიშნავია, რომ პიკეს და ინიესტას რეალური საგოლე მომენტებიც ჰქონდათ, თუმცა ორივე მათგანს ლეგენდარულმა ბუფონმა აჯობა.