დეშამი: "უმტიტის "ბარსელონაში" სათამაშოდ ყველაფერი აქვს"
საფრანგეთის ეროვნული ნაკრების მთავარი მწვრთნელი დარწმუნებულია, რომ მისი გუნდის ერთ-ერთი ფეხბურთელი კატალონიურ გრანდში თამაშს იმსახურებს.
მოგეხსენებათ, მედიაში გავრცელებული ინფორმაციის თანახმად, სამუელ უმტიტის "ბლაუგრანაში" ტრანსფერი თითქმის უკვე გადაწყვეტილია.
"უმტიტის "ბარსელონაში" გადასვლა კარგი იქნება. მას ბრწყინვალედ შეუძლია პასების კეთება და ბურთისთვის ბრძოლა. ასეთ გრანდში სათამაშოდ მას ყველაფერი გააჩნია", - ამბობს დიდიე დეშამი.
"სამუელი ახალგაზრდა ფეხბურთელია, დიდი გამოცდილებით. მას უკვე უთამაშია ჩემპიონთა ლიგაზე "ლიონთან" ერთად. 2013 წელს კი მსოფლიოს ახალგაზრდული ჩემპიონატის გამარჯვებული გახდა", - განაცხადა ფრანგმა სპეციალისტმა.
შეგახსენებთ, უმტიტი ევროპის ჩემპიონატის 1/4 ფინალურ შეხვედრაში, ისლანდიის ნაკრების წინააღმდეგ, ადილ რამის შეცვლის.
ამ სიახლეზე კომენტარები გათიშულია.
კომენტარები [ 12 ]