რატომ ტერ შტეგენი და არა ბრავო?
კატალონიური Sport იმ მიზეზებს არჩევს, რომელთა გამოც, "ბარსელონას" წარმომადგენლები მზად არიან კლაუდიო ბრავოს შეელიონ, მაგრამ მარკ-ანდრე ტერ შტეგენს - არავითარ შემთხვევაში.
"ბარსელონაში" დიდი ხნის განმავლობაში იცოდნენ, რომ ვიქტორ ვალდესი ტერ შტეგენს უნდა შეეცვალა. გერმანელი მეკარის ახალგაზრდული ასაკისა და გამოუცდელობის გამო, კატალონიელებმა ის მხოლოდ 2014 წელს შეიძინეს. იმის გამო, რომ ფეხბურთელი საბოლოოდ მომწიფებული ჯერ კიდევ არ იყო, "ბარსამ" გამოცდილი კლაუდიო ბრავოც დაიმატა, რომელიც გუნდის პირველი მეკარე გახდა.
გასულ ზაფხულში, "ბარსელონას" ერთ-ერთმა წარმომადგენელმა განაცხადა, რომ ტერ შტეგენს კიდევ ერთი წლით მოცდა მოუწევდა. ეს ერთი წელიც გავიდა და გავრცელდა ინფორმაცია, რომ ბრავოს შეძენის სურვილს "მანჩესტერ სიტის" მთავარი მწვრთნელი პეპ გვარდიოლა გამოთქვამს. კატალონიელ სპეციალისტს ტერ შტეგენიც მოსწონს.
"ბარსელონას" პოზიცია ასეთია - 24 წლის ტერ შტეგენი არ იყიდება, რადგან ის გუნდის მომავალია. ბრავოს ტრანსფერზე მოლაპარაკება კი შესაძლებელია. კატალონიელები მზად არიან 33 წლის ჩილელი მეკარე 20 მილიონ ევროდ გაყიდონ.
ამ სიახლეზე კომენტარები გათიშულია.
კომენტარები [ 9 ]