არდა თურანი შესაძლოა „ჩელსიში“ ან „არსენალში“ გადავიდეს

კატალონიის "ბარსელონა" დიდი ალბათობით კლუბის 29 წლის თურქ ნახევარმცველს, არდა თურანს გაყიდის. იტყობინება, The Sun.

როგორც ბრიტანული გამოცემა იტყობინება, კატალონიელები ფეხბურთელს 24 მილიონი ევროს სანაცვლოდ შეელევიან. ფეხბურთელის მიმართ ინტერესს ორი ლონდონური კლუბი - "არსენალი" და "ჩელსი" იჩენს. როგორც მოსალოდნელია, თურანი სწორედ ამ ორი კლუბიდან ერთში ითამაშებს. 

ნახევარმცველი "ბარსელონაში" გასულ წელს 34 მილიონი ევროს სანაცვლოდ "ატლეტიკოდან" გადმოვიდა, მან კლუბის მაისურით 25 შეხვედრა ჩაატარა თავი კი 2 გოლითა და 4 საგოლე გადაცემით გამოიჩინა.