"ბარსელონას" ფეხბურთელები ნელ-ნელა უბრუნდებიან

"ბარსელონა" ინგლისში, "სენტ ჯორჯ პარკზე", ერთკვირიანი წინასასეზონო მზადებისა და "სელტიკთან" მატჩის (1:3) შემდეგ "სუტატ ესპორტივაზე" ვარჯიშს უბრუნდება. დღეს კატალონიურ გუნდს რამდენიმე ფეხბურთელი შეუერთდა.

დღეს დილით გამართულ ვარჯიშზე კატალონიურ კლუბს შვებულებიდან 10 ფეხბურთელი დაუბრუნდა: ტერ შტეგენი, ბრავო, პიკე, რაკიტიჩი, ბუსკეტსი, ინიესტა, მასკერანო, ალბა, ვერმალენი, დუგლასი. აღსანიშნავია, რომ ზოგიერთმა მათგანა გუნდში ვადაზე ადრე დაბრუნება გადაწყვიტა.

დილის ვარჯიშზე პირველ გუნდთან ერთად ივარჯიშეს ახალგაზრდა ფეხბურთელებმაც - ხოსე სუარესმა, ალენიამ, კამარამ, მუჟიჩმა, კარბონელმა, ნილიმ, მატინესმა, მარლონმა.

"ბარსელონა" მე-2 ამხანაგურ მატჩში ოთხშაბათს, თბილისის დროით 22 საათზე, ინგლისის ჩემპიონს, "ლესტერს" დაუპირისპირდება.