ლუის ენრიკე: "ტიტული დავიმსახურეთ"

"ბარსელონას" მთავარი მწვრთნელი ლუის ენრიკე ესპანეთის სუპერ თასის განმეორებით მატჩში (3:0) "სევილიას" დამარცხებისა და ტიტულის მოგების შემდეგ კომენტარს აკეთებს.

"ძლიერ მოწინააღმდეგესთან დიდებულ გამარჯვებას მივაღწიეთ. განსაკუთრებით მსიამოვნებს ის, რომ 2 თამაშში არცერთი გოლი არ გავუშვით. ეს ყველაფერი ფეხბურთელების ძალიან ინტენსიური თამაშის შედეგია. ტიტულის მოგება დავიმსახურეთ.

ახლა ფოკუსირება ჩემპიონატის გახსნით მატჩზე უნდა მოვახდინოთ, რომელშიც ტიტულის დაცვას შევეცდებით.

ძალიან კმაყოფილი ვარ თურანის თამაშით. სასიამოვნოდ გაკვირვებული ვარ იმით, რომ მას შეტევაში კარგად თამაში შეუძლია. აი მასკერანოს ტრავმა კი საქმეს ცოტა გვირთულებს.

რამდენიმე სასტარტო ფეხბურთელი სათადარიგოზე დავტოვე, რადგან წინ ისეთი ხანგრძივლი სეზონია, რომ ყველა მოთამაშე მჭირდება. ყველა მათგანი ფორმაში უნდა იყოს და აკმაყოფილებდეს მაღალ მოთხოვნებს, რათა ჩვენ მიზნებს მივაღწიოთ".