მესი 350-ე შეხვედრის ზღვარზე

ლა ლიგის 2016/17 წლების გათამაშების მე-2 ტურში, "ბილბაოსთან" სტუმრად გასამართი შეხვედრა "ბარსელონას" არგენტინელი ლიდერისთვის, ლიონელ მესისთვის საიუბილეო იქნება.

29 წლის ფეხბურთელს, რომელიც მსოფლიოს საუკეთესო მოთამაშის წოდებას ატარებს, "ბარსელონას" მაისურით, პრიმერა დივიზიონში, 349-ჯერ უთამაშია. მომდევნო შეხვედრა კი, მისთვის, შესაბამისად, 350-ე იქნება.

გასულ 349 მატჩში მესიმ 314 გოლი გაიტანა. ამ შეხვედრებიდან "ბარსამ" 263 მოიგო და მხოლოდ 34 წააგო.