ესპანური პრესა: ალკასერი "ბარსელონას" ფეხბურთელია

თითქმის ყველა წამყვანი ესპანური სპორტული გამოცემა თანხმდება, რომ "ვალენსიას" 22 წლის თავდამსხმელის, პაკო ალკასერის "ბარსელონაში" გადასვლა გადაწყვეტილია.

ესპანელი ჟურნალისტების ცნობით, მხარეები უკვე ყველაფერზე შეთანხმდნენ. "ბარსას" ტრანსფერი 30 მილიონი ევრო დაუჯდება და ალკასერის წარმატებით ასპარეზობის შემთხვევაში, "ვალენსია" დამატებით 2 მილიონ ევროს მიიღებს. გარიგება მუნირ ელ ჰადადის "ღამურებში" განათხოვრებასაც ითვალისწინებს.

ალკასერის "ბარსელონაში" შესაძლო გადასვლის შესახებ ინფორმაცია დაახლოებით 2 კვირის წინ გავრცელდა. მალევე, ჟურნალისტებმა დაიწყეს მტკიცება, რომ ტრანსფერი გადაწყვეტილი იყო. თუმცა, მოგვიანებით, "ვალენსიამ" ფეხბურთელის გაშვება გადაიფიქრა. რამდენიმე დღის წინ, "ღამურებმა" მოლაპარაკებების გაგრძელებაზე თანხმობა განაცხადეს. ამის მიზეზი კლუბის არცთუ სახარბიელო ფინანსური მდგომარეობაა. როგორც ჩანს, "ბარსამ" ამით ისარგებლა და ფეხბურთელი გაიფორმა.

Cope-ს ცნობით, ტრანსფერი ოფიციალურად ორშაბათს დადასტურდება. ეს ლოგიკურიცაა, რადგან სამშაბათს, ალკასერი 23 წლის ხდება და მიმდინარე ზაფხულში დანერგილი ტრადიციის გათვალისწინებით, ის "ბარსელონასთვის" საინტერესო ფეხბურთელი აღარ იქნება.