ანდრე გომეში ნაკრებში გამოიძახეს

"ბარსელონას" 23 წლის პორტუგალიელი ნახევარმცველი ანდრე გომეში ეროვნული ნაკრების განაცხადში მოხვდა. ფერნანდუ სანტუშმა მას კიდევ 22 პორტუგალიელთან ერთად უხმო.

ევროპის მოქმედი ჩემპიონი, პორტუგალიის ნაკრები, პირველ სექტემბერს, გიბრალტარს ამხანაგურ მატჩში უმასპინძლებს, ხოლო 6 სექტემბერს, მსოფლიო ჩემპიონატის საკვალიფიკაციო ეტაპზე, შვეიცარიას სტუმრად დაუპირისპირდება.

ანდრე გომეში ეროვნულ ნაკრებში 2014 წლიდან თამაშობს. პორტუგალიის პირველი გუნდის მაისურით მას 13 შეხვედრა აქვს ჩატარებული.