მესიმ არგენტინას მოაგებინა

გუშინ ღამით, სამხრეთ ამერიკაში, მსოფლიოს 2018 წლის ჩემპიონატის შესარჩევი ეტაპის მე-7 ტურის მატჩები გაიმართა. ლიონელ მესისა და ხავიერ მასკერანოს არგენტინა ლუის სუარესის ურუგვაის დაუპირისპირდა, ხოლო ნეიმარის ბრაზილია - ეკვადორს.

ტურის ცენტრალურ დაპირისპირებაში არგენტინამ, მესის ერთადერთი გოლის წყალობით, 1:0 მოიგო და ლიდერობა მოიპოვა. "ბარსელონას" ათიანმა გოლი 43-ე წუთზე გაიტანა. მან და მასკერანომ თამაში სრულად ჩაატარეს.

ბრაზილიამ აქამდე ერთ-ერთი ლიდერი ეკვადორი 3:0 გაანადგურა. ნეიმარმა, რომელმაც სრულად ითამაშა, აქტივში გოლი და საგოლე გადაცემა ჩაიწერა.

7 ტურის შემდეგ, 14 ქულით, პირველ ადგილზე არგენტინაა. მას ერთი ქულით ჩამორჩება ურუგვაი. ბრაზლია, 12 ქულით, მე-5 პოზიციას იკავებს.

[media=https://youtu.be/_jg2VqJgrKw]

[media=https://youtu.be/u1WtCyj6uco]