ალბა: "უსამართლობაა, რომ ჩავის "ოქროს ბურთი" არ აუღია"
"ბარსელონას" მარცხენა მცველის, ხორდი ალბას თქმით, უსამართლობაა რომ მის თანამემამულესა და ყოფილ თანაკლუბელს, ჩავი ერნანდესს "ოქროს ბურთი" არასდროს აუღია. კატალონიელი ფეხბურთელი კრიშტიანუ რონალდუს მიერ ჩავიზე გაკეთებულ კომენტარს გამოეხმაურა.
"ჩავიზე ბევრი რამის თქმა შემიძლია და მხოლოდ და მხოლოდ კარგის. ის დიდი ფეხბურთელი იყო, რომელმაც ყველაფერი მოიგო.
არაერთხელ გვითქვამს, რომ უსამართლობაა, როდესაც ჩავის "ოქროს ბურთი" არ აქვს აღებული. თუმცა, სხვების ნათქვამს, სჯობს, კომენტარი არ გავუკეთო.
მე ჩავიზე მხოლოდ კარგი მაქვს სათქმელი და სხვების აზრი არ ვიცი."
ალბამ კომენტარი ლეო მესიზეც გააკეთა: "სულელი ვიქნები, თუ ვიტყვი, რომ ლეო გუნდისთვის მნიშვნელოვანი ფეხბურთელი არაა. ის გუნდს ბევრ რამეს მატებს. გუნდი ისედაც მაღალი დონის ფეხბურთელებითაა დაკომპლექტებული, მაგრამ ლეოსთან ერთად უკეთესები ვართ. ის ჩვენ დაცვაშიც გვეხმარება.
ლეო უკვე 12 წელია უმაღლეს დონეზე თამაშობს და ამით აღტაცებულები უნდა ვიყოთ. ასეთი რამ სხვას არავის გაუკეთებია."
ამ სიახლეზე კომენტარები გათიშულია.
კომენტარები [ 2 ]