ინიესტა ლა მასიაში გატარებულ დროს იხსენებს

20 წლის წინ "ბარსელონას" ლეგენდარული ფეხბურთელის ისტორია დაიწყო. 20 წლის წინ ანდრეს ინიესტა კატალონიური კლუბის საფეხბურთო სკოლაში მივიდა. ლა მასიაზე საუბრისას მოთამაშეს ძლიერი გრძნობები ეუფლება და ახსენდება ოჯახის დატოვებით გამოწვეული სევდა, სკოლაში გატარებული პირველი დღეები და ახალგაზრდული სურვილები. ლა მასიაზე ფეხბურთელი ლაპარაკობს დიდი სიხარულით და, ამასთანავე, ნოსტალგიით.

"ლა მასია ცოტ-ცოტა ყველაფერს მოიცავს - ემოციებს, სიხარულს, სიამაყეს. როდესაც განვლილ გზას ვიხსენებ, ვხვდები, რომ ყველაზე მნიშვნელოვანია ის, რაც იქ ვისწავლე, როგორც პიროვნებამ და ფეხბურთელმა."

ანდრეს ინიესტა 12 წლის ასაკში შეუერთდა საფეხბურთო სკოლას. "ლა მასია არის ჩემი სახლი, სადაც წლები გავატარე და ჩამოვყალიბდი პიროვნებად. ძალიან სწრაფად გავიზარდე და ჩემს მიღწევებს მეტწილად ლა მასიას ვუმადლი."

მოგონებების და მიღებული გამოცდილების გარდა ნახევარმცველს არ ავიწყდება ხალხი, რომელიც სკოლაში გაიცნო. "ლა მასიაში ხალხი დამეხმარა. ისინი ჩემთან ერთად ტიროდნენ, ზეიმობდნენ, მეხუტებოდნენ. მათ შეითავსეს ფუნქცია ოჯახისა, რომელიც ძალიან გვჭირდებოდა."

მასწავლებლები, მწვრთნელები და მზარეულები - ინიესტას ყველა ახსოვს. მათ ბავშვებს ცხოვრება გაუმარტივეს, განსაკუთრებით კი ინიესტას დაეხმარნენ მაშინ, როდესაც სხვები შაბათ-კვირას ოჯახებს ნახულობდნენ, ანდრესი კი მარტო რჩებოდა, ვინაიდან მისი ახლობლები სხვა ადგილას ცხოვრობდნენ.

"ღირდა, ნამდვილად ღირდა ლა მასიაში მისვლა. მან უდიდესი კვალი დატოვა ყველა აღზრდილზე."