გულშემატკივრებმა, ლიონელ მესი ჩემპიონთა ლიგის პირველი ტურის საუკეთესო მოთამაშედ აღიარეს

კატალონიის "ბარსელონას" 29 წლის არგენტინელი სუპერვარსკვლავი, ლიონელ მესი, ჩემპიონთა ლიგის პირველი ტურის საუკეთესო მოთამაშედ აღიარეს. 

მესიმ გამოკითხვაში 38%-ით პირველი ადგილი დაიკავა და აჯობა "ბაიერნის" მცველს, ჯოშუა კიმიხს (27%). მესამე ადგილი დაიკავა "ლესტერის" ფეხბურთელმა, რიად მაჰრეზმა (15%).

პირველი სამეულის შემდეგ ხმები შემდეგნაირად გადანაწილდა: არკადუშ მილიკი ("ნაპოლი") - 9%, სერხიო აგუერო ("სიტი") - 6%, მარიო გიოტცე ("დორტმუნდი") - 3%, ბერნარდუ სილვა ("მონაკო") - 2%, საულ ნიგესი ("ატლეტიკო") - 1%.