ნეიმარმა არბიტრს შეურაცხყოფა მიაყენა

"ბარსელონას" თავდამსხმელმა, ნეიმარმა, კატალონიური კლუბისა და მიონხენგლადბახის "ბორუსიას" შორის გამართული მატჩის მთავარ არბიტრს, დამირ სკომინას უცენზურო სიტყვებით მიმართა, იტყობინება Sport.

ბრაზილიელი ფეხბურთელის გინება არბიტრთან უთანხმოებამ გამოიწვია, რის გამოც ფეხბურთელმა ყვითელი ბარათი მიიღო. უკვე დამატებითი დრო მიმდინარეობდა. საინტერესოა, რომ ნეიმარმა მსაჯს ისეთივე სიტყვები აკადრა, როგორიც ადრე მადრიდის "რეალის" პორტუგალიელმა ვარსკვლავმა, კრიშტიანუ რონალდუმ მთავარ მწვრთნელს, ზინედინ ზიდანს. პორტუგალიელი უკმაყოფილო იყო იმით, რომ ესპანური პრიმერას მე-6 ტურის მატჩის დროს, "ლას-პალმასის" წინააღმდეგ, ზიდანმა ის 72-ე წუთზე შეცვალა.

შეგახსენებთ, რომ "ბარსელონამ" გასვლითი მატჩში მიონხენგლადბახის "ბორუსია" ანგარიშით 2:1 დაამარცხა.