"ბარსელონა" გვარდიოლას მეორე დივიზიონის კლუბში გაყიდვას აპირებდა

კატალონიის "ბარსელონას" ლეგენდარული ფეხბურთელი და მწვრთნელი, იოჰან კრუიფი თავის ავტობიოგრაფიულ წიგნში პეპ გვარდიოლასთან დაკავშირებით წერს.

"ერთ დროს ხოსეპ გვარდიოლას "ბარსელონადან" გაშვებას აპირებდნენ. კლუბში ფიქრობდნენ, რომ პეპი ძალიან გამხდარი იყო, დაცვაში სუსტი და საჰაერო ორთაბრძოლებშიც ვერ იჩენდა თავს.

იქ რომ მე არ ვყოფილიყავი, პეპ გვარდიოლას, სავარაუდოდ, მეორე დივიზიონის კლუბში გაუშვებდნენ." - წერს მფრინავი ჰოლანდიელი.

შეგახსენებთ, რომ იოჰან კრუიფი 2016 წლის 24 მარტს ბარსელონაში გარდაიცვალა. დიდი იოჰანი 68 წლის გახლდათ.