აიმარმა მესიზე კომენტარი გააკეთა

არგენტინის ეროვნული ნაკრების ყოფილ ნახევარმცველს, პაბლო აიმარს ეჭვი არ ეპარება იმაში, რომ ლიონელ მესი მსოფლიოს საუკეთესო ფეხბურთელია.

"2018 წლის მსოფლიო ჩემპიონატის შესარჩევ ეტაპზე გასამართ რამდენიმე მატჩში არგენტინას მსოფლიოს საუკეთესო ფეხბურთელი დააკლდება, მაგრამ სხვა მოთამაშეების დახმარებით გამარჯვების მიღწევა შესაძლებელი იქნება. მესი მოედანზე გადამწყვეტ როლს თამაშობს. ათიდან ცხრა მატჩში ის მინდორზე საუკეთესოა." - ციტირებს აიმარს Mundo Deportivo.

უახლოეს მომავალში არგენტინის ნაკრები პერუსა და პარაგვაის დაუპირისპირდება. სამწუხაროდ "ბარსელონას" ლიდერი ორივე შეხვედრას გამოტოვებს.