ლუის სუარესი დისკვალიფიკაციასთან ახლოსაა

კატალონიის "ბარსელონას" ურუგვაელმა თავდამსხმელმა, ლუის სუარესმა ლა ლიგის პირველ 7 მატჩში უკვე 4 ყვითელი ბარათი მიიღო და დისკვალიფიკაციას მიუახლოვდა.

ურუგვაელმა ფეხბურთელმა მე-4 ყვითელი ბარათი ვიგოს "სელტასთან" მატჩში მიიღო და კიდევ 1 ბარათის ჩვენების შემთხვევაში იგი ერთ მატჩს გამოტოვებს. წინა 3 ბარათი სუარესს "ბეტისთან", "ბილბაოსა" და "ატლეტიკოსთან" შევხედრებში დაუგროვდა.

"ლურჯ-ბროწეულისფრებს" პრიმერა დივიზიონის მოახლოებულ ტურებში იოლი მატჩები ნამდვილად არ ელის. 15 ოქტომბერს "ბლაუგრანა" "დეპორტივოს" უმასპინძლებს, 22 ოქტომბერს კატალონიელები "მესტალიაზე" ითამაშებენ, 29 ოქტომბერს "კამპ ნოუზე" "გრანადას" დაუპირისპირდებიან, 6 ნოემბერს "სანჩეს პისხუანზე" "სევილია"-"ბარსელონა" გველის, 20 ნოემბერს კი "მალაგასთან" ჯახი კატალონიის დედაქალაქში.