დღეს "ბარსელონას" კიდევ სამი ფეხბურთელი ითამაშებს

დღეს, მსოფლიოს 2018 წლის ჩემპიონატის საკვალიფიკაციო ეტაპის მატჩებში "ბარსელონას" კიდევ 3 ფეხბურთელი მიიღებს მონაწილეობას.

ლუკა დინის საფრანგეთი დღეს, თბილისის დროით 22:45 -ზე საკუთარ კედლებში ბულგარეთს დაუპირისპირდება. "ბარსელონას" მარცხენა მცველი დღეს შეხვედრას ძირითად შემადგენლობაში დაიწყებს. ფრანგები, პირველ ტურში ნათამაშები ფრის შემდეგ, დღეს ერთადერთი მიზნით გამოვლენ მოედანზე. საკუთარ კედლებში ბულგარეთის დამარცხება და საკუთარი გულშემატკივრის წინაშე 3 ქულის მოპოვება მათთვის ახლა ერთადერთი განხილვადი შედეგია.

ამავე ჯგუფში, იასპერ სილესენის ჰოლანდია ბელარუსს უმასპინძლებს.

ანდრე გომეშის პორტუგალია კი დღეს ანდორას დაუპირისპირდება, ასევე საკუთარ ქვეყანაში. პორტუგალიელებს პირველ ტურში განცდილი მარცხის შემდეგ მოგება ძალიან ჭირდებათ.