მესი ძირითადში - წარმატების გარანტია

კატალონიის "ბარსელონას" თავდამსხმელმა, ლიონელ მესიმ ესპანეთის ჩემპიონატის მე-7 ტურის მატჩში, მადრიდის "ატლეტიკოს" წინააღმდეგ დაზიანება მიიღო და არგენტინის ეროვნული ნაკრების განაცხადს მიღმა დარჩა, შესარჩევი ეტაპის შეხვედრებისთვის.

მესის გარდა არგენტინის ეროვნულ ნაკრებს ძალიან ბევრი ძლიერი შემტევი ჰყავს, გონსალო იგუაინის, სერხიო აგუეროსა და პაულო დიბალას სახით.

როგორც ჩანს, ვარსკვლავთა ასეთი სიხშირე წარმატებული შედეგის გარანტია არგენტინისთვის არ არის. ამჟამად გუნდი აშკარად ლიონელ მესიზეა დამოკიდებული.

ნაკრების სტატისტიკა ლეოსთან ერთად და მის გარეშე საოცრად განსხვავებულია. მსოფლიო ჩემპიონატის შესარჩევ ეტაპზე ჩატარებულ ყველა იმ მატჩში, სადაც მესიმ მონაწილეობა მიიღო, არგენტინამ გამარჯვებას მიაღწია.

იმ 6 შეხვედრაში, სადაც "ბარსელონას" თავდამსხმელმა მონაწილეობა ვერ მიიღო, არგენტინამ მხოლოდ 1 მოიგო.