"ბარსელონა" დეკემბერში ამხანაგურ მატჩს გამართავს

კატალონიის "ბარსელონა" ყატარში ამხანაგურ მატჩს გამართავს. მატჩი "ოსასუნასა" და "ესპანიოლის" წინააღმდეგ გასამართ შეხვედრებს შორის პერიოდში ჩატარდება. ყატარისთვის ეს იქნება განსაკუთრებული მოვლენა, რადგან მსოფლიოს საუკეთესო კლუს ჯერ იქ არ უთამაშია.

ამხანაგური მატჩი Qatar Airways-თან დადებული შეთანხმების ნაწილია, რაც ითვალისწინებს, რომ ლუის ენრიკემ კომპანიის მიერ არჩეულ ქალაქში შეხვედრა უნდა გამართოს. მანამდე მსგავსი მოვლენა 2012 წელს, პარიზში მოხდა, როცა "ბარსელონა" ადგილობრივ პსჟ-ს დაუპირისპირდა.

2013 წელს "ბარსელონამ" ამხანაგური მატჩის ნაცვლად, ყატარულ ავიაკომპანიასთან სხვა სახის შეთანხმება არჩია, მაგრამ საერთო ჯამში გამოვიდა, რომ კატალონიელებმა კონტრაქტის პუნქტი არ შეასრულეს. ჯერ-ჯერობით მხარეები თარიღზე ფიქრობენ.

სავარაუდოდ "ბარსელონა" ამხანაგურ მატჩს ყატარში 13 დეკემბერს გამართავს. კატალონიელთა მეტოქედ "ალ-აჰლი" აირჩიეს, რომლის სპონსორიც ასევე Qatar Airways-ია.