ოფიციალურად: მასკერანომ კონტრაქტი გაახანგრძლივა!

არგენტინის ეროვნული ნაკრების ნახევარმცველმა, ხავიერ მასკერანომ კატალონიის "ბარსელონასთან" ახალ კონტრაქტს მოაწერა ხელი, რომელიც ვადაში 2019 წლის 30 ივნისამდე იქნება.

ხელმოწერა ხოსეპ მარია ბართომეუს, ჟორდი მესტრესა და რობერტო ფერნანდესის თანდასწრებით მოხდა. ბოლოს ხსენებულნი გუნდის მმართველი შტაბის ძირითადი წევრები არიან.

"ბარსელონას" კაპიტანთა ოთხეულის წევრი, კლუბს 7 წლის წინ შეუერთდა და 290 მატჩი ჩაატარა. ამ დროის განმავლობაში მან 17 ტიტული მოიგო.

2011 წლის საკლუბო მსოფლიო ჩემპიონატის გამოკლებით, მასკერანომ "ბარსელონას" მიერ ჩატარებულ ყველა ფინალში მიიღო მონაწილეობა.