დრაგუტინოვიჩი თვლის, რომ რაკიტიჩი კარიერას "სევილიაში" დაასრულებს

"სევილიას" ყოფილი მცველი, ივიცა დრაგუტინოვიჩი დარწმუნებულია, რომ "ბარსელონას" ნახევარმცველი, ივან რაკიტიჩი ანდალისურ კლუბში დაბრუნდება. რაკიტიჩი "ბარსაში" 2014 წელს, "სევილიადან" გადავიდა.

"რაკიტიჩმა სევილიაში სახლი იყიდა და ბოლო ერთი-ორი სეზონი იქ ითამაშებს. მან ძალიან კარგად გაიარა ადაპტაცია "სევილიაში". ჩვენ, ბალკანელებს, ადაპტაციის საკითხზე ყველაფერი კარგად გამოგვდის. რაკიტიჩის კარიერაში მნიშვნელოვან როლს თამაშობს მისი მეუღლე, რაკელი. მისი წყალობით მას აქვს სტაბილურობა. რაკელი ძალიან ეხმარება მას." - ციტირებს დრაგუტინოვიჩის სიტყვებს Mundo Deportivo.