სტოუნსი: "მესი საუკეთესოა, მაგრამ მისი არ მეშინია"
ჩემპიონთა ლიგის მე-3 ტურის მატჩის წინ "მანჩესტერ სიტის" ახალგაზრდა ცენტრალურმა მცველმა, ჯონ სტოუნსმა ლეო მესიზე ისაუბრა.
"დღეს ლეო მესის წინააღმდეგ მომიწევს დაპირისპირება, მე არგენტინელის ნამდვილად არ მეშინია. საუკეთესოების წინააღმდეგ თამაში ჩემთვის გამოწვევაა, რადგან ამით მე საკუთარ ძალებს მოვსინჯავ და ვნახავ თუ რას წარმოადგენ რეალურად.
ჩემი აზრით, მესი მსოფლიოში საუკეთესო ფეხბურთელია, ლეო უნიკალურია. მასთან დაპირისპირება საინტერესო იქნება, ვნახოთ რამდენად შეგვიძლია მისი შეჩერება. რა თქმა უნდა, არგენტინელი დიდ საფრთხეს წარმოადგენს, მაგრამ არ უნდა დაგვავიწყდეს, რომ "ბარსელონა" მხოლოდ მესი არაა. ლუის სუარესი - ფეხბურთელი, რომელიც "ლივერპულში" თამაშისას უძლიერესი იყო და "ბლაუგრანაში" გადაბარგების შემდეგ კიდევ უფრო აღზევდა.
მე "ბარსელონას" თამაშების ყურებით ჯერ კიდევ მოზარდობის ასაკში ვტკბებოდი. ეს არის გუნდი ლეგენდარული ფეხბურთელებითა და ლეგენდარული სტადიონით. მესის სათამაშო სტილი ძალიან მომწონს." - აცხადებს სტოუნსი.
ამ სიახლეზე კომენტარები გათიშულია.
კომენტარები [ 14 ]