სევიჯი: "სიტის" გამარჯვება სავსებით რეალურია"

"ბირმინგემის", "ბლექბერნის", "ლესტერ სიტისა" და უელსის ეროვნული ნაკრების ყოფილმა ფეხბურთელმა, ამჟამად კი William Hill-ის ბუკმეკერული კომპანიის ექსპერტმა, რობი სევიჯმა დღევანდელი მატჩის პროგნოზი დააფიქსირა.

დღეს, თბილისის დროით 23 საათსა და 45 წუთზე, "სიტი" "ეტიჰადზე" "ბარსელონას" უმასპინძლებს.

"პრიმერა დივიზიონის გასულ ტურში ნათლად გამოჩნდა, რომ კატალონიურ კლუბს ბევრი პრობლემა აქვს. ამას ანდრეს ინიესტას ტრავმაც ემატება. "ბარსელონამ" პირველი ადგილი ფაქტიურად გაინაღდა, ამიტომ დღეს სრული ძალებით შეტევა აუცილებელი არ არის. "სიტის" გამარჯვება სავსებით რეალურია". - განაცხადა სევიჯმა.

ექსპერტი მიიჩნევს, რომ დღეს გოლის გატანას სერხიო აგუერო მოახერხებს.