რატომ ამბობს რონალდო უარს "ბარსელონურ" წარსულზე?

მსოფლიო ფეხბურთის ლეგენდამ, რონალდო ნაზარიომ ახლო წარსულში ხმაურიანი განცხადება გააკეთა "კომპოსტელას" კარში გატანილი გოლის თაობაზე. ბრაზილიელ შემტევს გული წყდება, რომ ეს "რეალის" მაისურით ვერ მოახერხა.

"რეალი" რონალდოს ფავორიტი ესპანური კლუბია, მაგრამ მრავალი წლის მანძილზე მას "ბარსელონაში" გატარებული დრო ცუდად არ გაუხსენებია.

უდავოდ, 1996/97 წლების სეზონი, რომელიც ბრაზილიელმა ფორვარდმა კატალონიელთა რიგებში ჩაატარა, მისი პროფესიონალური კარიერის საუკეთესო პერიოდი იყო: 47 გოლი 49 მატჩში.

ასეთ კომენტარს ერთი მარტივი ახსნა შეიძლება გამოვუნახოთ: ბრაზილიელი ვარსკვლავი მადრიდის "რეალის" ელჩი იქნება ლათინურ ამერიკაში. ამასთან ერთად, რონალდო ფლორენტინო პერესის მრჩეველი გახდა.

როგორც უკვე გითხარით, ნაზარიო თავის "ბარსელონურ" წარულს ყოველთვის პატივს სცემდა, ამასთან 2013 წელს "Fiebre Maldini"-სთან ინტერვიუში მან თქვა, რომ მესისა და "ბლაუგრანას" თამაშით სიამოვნებას იღებს.

"მესისა და "ბარსელონას" თამაშის ყურება სიამოვნებას მგვრის. ეს გუნდი მხიბლავს, აღფრთოვანებული ვარ.

მესი ცოტათი უკეთესია ვიდრე კრიშტიანუ რონალდუ."

საინტერესოა რას იზამდა ბრაზილიელი ახლა, ვინმეს რომ მისთვის ამ ორ ფეხბურთელს შორის არჩევანის გაკეთება ეთხოვა.

რონალდო ნაზარიომ "რეალში" 5 წელი გაატარა (2002-2007). 177 ჩატარებულ მატჩში 104 გოლის გატანა შეძლო. მიუხედავად ამისა, ის ისეთ მაღალ დონეზე მაინც ვერ ავიდა, როგორც სერ ბობი რობსონის ხელმძღვანელობის ქვეშ იყო. 1996 წლის 12 ოქტომბერს, "კომპოსტელას" კარში ბრაზილიელმა "ბარსელონას" ისტორიაში ერთ-ერთი საუკეთესო გოლი გაიტანა.