"ერკულესთან" მატჩს 4 ძირითადი ფიგურა გამოტოვებს

კატალონიის "ბარსელონას" შემტევი ტრიო (ლუის სუარესი, ნეიმარ და სილვა, ლიონელ მესი) და ჟერარ პიკე ესპანეთის სამეფო თასის 1/16 ფინალის განმეორებით მატჩში მონაწილეობას არ მიიღებენ. მთავარმა მწვრთნელმა ლუის ენრიკემ ამ ფეხბურთელებს დასვენების უფლება მისცა.

"დიახ, გვყავს 4 მოთამაშე, რომელთა არდადეგებიც უკვე დაიწყო. ისინი არიან: მესი, სუარესი, ნეიმარი და პიკე. დანარჩენები მხოლოდ ამ მატჩის შემდეგ დაისვენებენ. მსგავს რამეს პირველად არ ვაკეთებ."-ციტირებს ენრიკეს სიტყვებს AS.

"ბარსელონა" "ერკულესს" 22 დეკემბერს დაუპირისპირდება. პირველი მატჩი ფრედ, 1:1 დასრულდა.