რობერტო და უმტიტი UEFA-ს წლის გუნდში მოხვდნენ

ევროპული ფეხბურთის მმართველმა ორგანომ (UEFA) 2016 წლის ჩემპიონთა ლიგის მთავარი აღმოჩენა ფეხბურთელებისგან სიმბოლური ნაკრები შეადგინა, რომელშიც "ბარსელონას" 2 ფეხბურთელი მოხვდა. ესენი სერჟი რობერტო და სამუელ უმტიტი არიან.

ჩემპიონთა ლიგის გასული წლის მთავარი აღმოჩენებისგან შემდგარი სიმბოლური ნაკრები ასე გამოიყურება:

მეკარე: ალფონს არეოლა (პსჟ);

მცველები: სერჟი რობერტო ("ბარსელონა"), სამუელ უმტიტი ("ბარსელონა"), ვიქტორ ნილსონ-ლინდელოფი ("ბენფიკა");

ნახევარმცველები: ტომა ლემარი ("მონაკო"), ჯოშუა კიმიხი ("ბაიერნი"), რენატუ სანჩეში ("ბაიერნი"), რაფაელ გერეირო ("დორტმუნდი");

თავდამსხმელები: კრისტიან პულიშიჩი ("დორტმუნდი"), ანდრე სილვა ("პორტუ"), უსმან დემბელე ("დორტმუნდი").