უმტიტი საუკეთესო ახალწვეულად აღიარეს

კატალონიის "ბარსელონას" წევრებმა კლუბის მიერ 2016 წელს შეძენილი ფეხბურთელები შეაფასეს. საუკეთესო ახალწვეულად საფრანგეთის ეროვნული ნაკრების მცველი, სამუელ უმტიტი დასახელდა, რომელიც ადრე "ლიონის" ღირსებას იცავდა.

ახალგაზრდა მცველმა 8.25 ქულა დააგროვა (მაქსიმალური შეფასება - 10). მეორე ადგილი დენის სუარესს ერგო (6.52), რომელსაც ანდრე გომეში (6.40), ლუკა დინი (6.06), იასპერ სილესენი (4.41) და პაკო ალკასერი (4.20) მოჰყვებიან.