კუმანი: "მესი საჯარიმოებს უფრო უკეთესად ურტყამს, ვიდრე მე"
"ევერტონის" მთავარმა მწვრთნელმა, რონალდ კუმანმა, "ბარსელონას" თავდამსხმელს, ლიონელ მესის მიულოცა, რომელმაც "ატლეტიკ ბილბაოსთან" მატჩში მისი რეკორდი გაიმეორა.
"ჩემთვის დიდი პატივია ის, რომ ყველა დროის საუკეთესო ფეხბურთელმა, ლიონელ მესიმ, ჩემს რეკორდს მიაღწია. მე ასეთი ფეხბურთელი არასდროს მინახავს, მიუხედავად იმისა, რომ საქმე ბევრ დიდებულ ფეხბურთელთან მქონდა. ის გენიოსია, ერთ-ერთი იმ ფეხბურთელთაგანი, რომელიც 50 ან 100 წელიწადში ერთხელ იბადება. ზოგჯერ წარმოუდგენელი ხდება, რომ როგორც ყველა, ისიც ხორცისა და ძვლებისგანაა შექმნილი, რადგან ის აკეთებს ისეთ რაღაცეებს, რომლებიც ჩვეულებრივი მოთამაშისთვის ხელმიუწვდომელია.
მე ვნახე მისი საჯარიმო გოლი "ატლეტიკთან", ეს შთამბეჭდავი იყო. როგორც "ვილიარეალთან" გოლი. მესი საჯარიმოებს უფრო უკეთესად ურტყამს, ვიდრე ამას მე ვაკეთებდი და არ მრცხვენია ამის აღიარება, რადგან ეს სიმართლეა. მე ძლიერი დარტყმა მქონდა ფეხის შიდა მხარით, მაგრამ ლეოს შეუძლია ბურთი ზუსტად იქ გაგზავნოს, სადაც სურს. ეს ფასდაუდებელია.
ის გონებრივად ხედავს სივრცეს და აკონტროლებს მას, ის ძალიან ჭკვიანია საფეხბურთო თვალსაზრისით. ის ისტორიაში საჯარიმოების საუკეთესო შემსრულებელია. როგორ შეძლო მან ასეთი სრულყოფილების მიღწევას? ეს რაღაც თანდაყოლილია, მას თითქოს ფეხზე ხელთათმანი აქვს." - განაცხადა კუმანმა.
ამ სიახლეზე კომენტარები გათიშულია.
კომენტარები [ 42 ]