ლუის ენრიკე მატჩის შემდეგ
"ბარსელონას" მთავარმა მწვრთნელმა, ლუის ენრიკემ ბასკური "ატლეტიკის" დამარცხების (3-0) შემდეგ კომენტარი გააკეთა.
ლუის ენრიკემ, პირველ რიგში, აღნიშნა როტაციების მიზეზი: "იმისათვის, რომ ყველა ჩემპიონატზე ტიტულისთვის ვიბრძოდეთ, საჭიროა მთელი გუნდის გამოყენება და კონკურენცია."
მან დაამატა: "დღეს, იმ ფეხბურთელებმა, რომლებიც მიმდინარე სეზონში ნაკლებად მიიღეს სათამაშო დრო, უმაღლეს დონეზე ითამაშეს. ჩვენ კარგი გამარჯვება მოვიპოვეთ და ასევე მნიშვნელოვანმა ფეხბურთელებმა დაისვენეს კიდეც."
მიუხედავად დიდი ანგარიშით გამარჯვებისა, ლუის ენრიკემ აღიარა, რომ: "არასოდეს არაა ადვილი "ატლეტიკთან" თამაში. მნიშვნელობა არ აქვს, ეს იქნება "სან მამესზე" თუ "კამპ ნოუზე". როცა ჩვენ ბურთს ვფლობთ, ისინი ძალიან დიდი ზეწოლის ქვეშ გვაყენებენ."
ლუის ენრიკემ მცირე კომენტარი გააკეთა ალკასერის სადებიუტო გოლზე ლა ლიგაში: "მოხარული ვარ ალკასერის თამაშით. მან კარგი გოლი გაიტანა: კარგად შეასრულა და ის გუნდს დაეხმარა."
მთავარმა მწვრთნელმა პიკეს შეცვლაზეც გააკეთა კომენტარი: "პიკე იმიტომ შევცვალეთ, რომ მას მცირე ტრავმა ჰქონდა. ჩვენ კი, არ გავრისკეთ. რაფინია? მას წარბი ცუდად აქვს დაზიანებული. ვიმედოვნებ, რომ ისინი მომავალ ვარჯიშებზე მიიღებენ მონაწილეობას."
ამ სიახლეზე კომენტარები გათიშულია.
კომენტარები [ 7 ]