ფერნანდესი: "შთაბეჭდილება დამრჩა, რომ ვიდალის ტრავმა სერიოზულია"

"ბარსელონას" სპორტულმა დირექტორმა, რობერტ ფერნანდესმა "ალავესთან" გამარჯვების შემდეგ (6:0), კომენტარი გააკეთა.

"ვაპირებ ვიდალს ვეწვიო, მაგრამ შთაბეჭდილება დამრჩა, რომ ტრავმა სერიოზულია.

ჩვენ ვიცით, რომ სეზონის დასკვნითი ნაწილი დატვირთული იქნება. საბედნიეროდ, ინიესტამ და ბუსკეტსმა ტრავმები მოიშუშეს.

ალეიში შემადგენლობიდან გავარდა, მაგრამ მნიშვნელოვან მატჩებს კარგი ფორმით ვხვდებით. სეზონის დასაწყისიდანვე ეს ჩვენი მიზანი იყო.

ესპანეთის თასის ფინალს რაც შეეხება, ჩვენ გვსურს რომ ის მაქსიმალურ ტევადობიან სტადიონზე ჩატარდეს. გვსურს, რომ გულშემატკივრები კომფორტულად იყვნენ. ვნახოთ, რას შემოგვთავაზებენ, მაგრამ ახლა ეს არ მაღელვებს. არსებობს უფრო მნიშვნელოვანი რაღაცეებიც." - განაცხადა ფერნანდესმა.