კიდევ ერთი კანდიდატურა - მასიმილიანო ალეგრი

ტურინის "იუვენტუსის" მთავარი მწვრთნელი, მასიმილიანო ალეგრი "ბარსელონას" პოტენციურ მწვრთნელთა სიას შეემატა.

ვრცელდება ინფორმაცია, რომ ალეგრის კანდიდატურას კატალონიელთა სპორტული დირექტორი, არიედო ბრაიდა უწყობს ხელს, რომელიც მას კარგად იცნობს, ვინაიდან ისინი "მილანში" ერთად მუშაობდნენ.

ადრე, 49 წლის იტალიელ სპეციალისტს "არსენალს" უკავშირებდნენ.

გარდა ალეგრისა, "ბარსელონას" მთავარი მწვრთნელის პოსტის კანდიდატურები არიან: მაურისიო პოჩეტინო ("ტოტენჰემი"), ლორან ბლანი (პსჟ-სა და საფრანგეთის ნაკრების ყოფილი მწვრთნელი), ხორხე სამპაოლი ("სევილია"), ერნესტო ვალვერდე ("ატლეტიკ ბილბაო"), რონალდ კუმანი ("ევერტონი") და ეუსებიო საკრისტანი ("რეალ სოსიედადი").