ნეიმარმა მარკინიოსს ბოდიში მოუხადა და სხვა თანამემამულეებს მხარი დაუჭირა

"ბარსელონას" თავდამსხმელი ნეიმარ და სილვა, ჩემპიონთა ლიგის 1/8 ფინალის განმეორებითი მატჩის შემდეგ, "პარი სენ-ჟერმენის" ბრაზილიელი ფეხბურთელების განცდების მიმართ გულგრილი არ დარჩენილა. როგორც იცით, პირველი შეხვედრა ფრანგული გუნდის გამარჯვებით, 4:0 დარულდა.

UOL-ის ინფორმაციით, მეორე მატჩში გადატანილი შოკის შემდეგ, ნეიმარი პსჟ-ს ბრაზილიელ მოთამაშეებს შეტყობინებებს უგზავნის და მათ ფსიქოლოგიურად აძლიერებს. ამასთანავე, ფორვარდმა მარკინიოსს ბოდიში მოუხადა იმის გამო, რომ შეხვედრის მსვლელობის დროს (როცა ანგარიში 3:1 იყო) წააქცია.

შეხვედრის დასრულების შემდეგ, ნეიმარი მარკინიოსსა და ტიაგო სილვას ესაუბრა, რომლებიც ბრაზილიის ნაკრებში არიან გამოძახებულები მუნდიალის შესარჩევი ეტაპის მატჩების გამო. "ბარსელონას" ერთ-ერთ ლიდერს აწუხებს ის, რომ დამარცხებული ფეხბურთელების ფსიქოლოგიური მდგომარეობა შესაძლოა, ეროვნულ გუნდზე აისახოს.