დიბალას "იუვენტუსთან" კონტრაქტში ახალი პუნქტის შეტანა სურს

ტურინის "იუვენტუსის" თავდამსხმელი, პაულო დიბალა კლუბთან კონტრაქტის გახანგრძლივებაზე მოლაპარაკებებს აგრძელებს.

თუმცა, არგენტინელი ფორვარდი "ბებერ ქალბატონს" ერთ პირობას უყენებს: ახალ კონტრაქტში უნდა იყოს პუნქტი იმაზე, რომ მას ჰქონდეს უფლება გამოსასყიდი თანხის სანაცვლოდ დატოვოს იტალიური გრანდი, თუ მის შეძენას "ბარსელონა" მოისურვებს, იტყობინება Mundo Deportivo.

ადრე პრესაში გავრცელდა ინფორმაცია, რომ კატალონიური კლუბი დიბალას მომსახურებით დაინტერესებულია. ესპანურ გრანდში თვლიან, რომ არგენტინელი სრულფასოვნად გააძლიერებს შეტევის ხაზს.

დიბალას ამჟამინდელი კონტრაქტი "იუვენტუსთან" 2020 წლის ზაფხულამდეა ძალაში.