მესი ბოდიშს იხდის
"ბარსელონასა" და არგენტინის ეროვნული ნაკრების ლიდერი ლიონელ მესი, FIFA-სადმი მიწერილ წერილში, ჩილესთან გამართულ შეხვედრაში უცენზურო სიტყვების წარმოთქმისთვის ბოდიშს იხდის, მაგრამ იქვე აცხადებს, რომ ეს სიტყვები არბიტრისკენ არ ყოფილა მიმართული.
"კატეგორიულად უარვყოფ, რომ ჩილესთან მატჩის დროს, დამხმარე მსაჯს შეურაცხყოფა მივაყენე.
არბიტრის დამხმარეს, რომელიც ეროვნებით ბრაზილილიელია, შესანიშნავად ესმოდა, რას ვამბობდი. ჩვენ მეგობრული საუბარიც გვქონდა და მისთვის არანაირი შეურაცხყოფა არ მიმიყენებია.
ჩემი სიტყვები მისი მისამართით არ ყოფილა თქმული. ეს სიტყვები უბრალოდ, ჰაერზე წარმოვთქვი, რის გამოც ბოდიშს ვიხდი." - El Mundo Deportivo-ს ცნობით, სწორედ ამ ტექსტის წერილი მიწერა მესიმ FIFA-ს.
შეგახსენებთ, რომ FIFA-მ, არბიტრისთვის შეურაცხყოფის მიყენების გამო, მესის 4-მატჩიანი დისკვალიფიკაცია მიუსაჯა.
ამ სიახლეზე კომენტარები გათიშულია.
კომენტარები [ 14 ]