რაკიტიჩი: "საკუთარი ძალების გვჯერა"

"ბარსელონას" ნახევარმცველმა, ივან რაკიტიჩმა "სოსიედადთან" გამართული მატჩის შემდეგ ჟურნალისტებს შთაბეჭდილება გაუზიარა. კატალონიურმა კლუბმა მნიშვნელოვანი გამარჯვება მოიპოვა, ანგარიშით 3:2 და ახლა ისინი "იუვენტუსს" ამაღლებული განწყობით შეხვდებიან.

"გამარჯვების მოპოვება გაგვიჭირდა. "სოსიედადს" თავისებური თამაშის სტილი აქვს. ისინი ბურთის ფლობაზე არიან კონცენტრირებულნი. შეგვეძლო უფრო ბევრი გოლი გაგვეტანა, მაგრამ ნებისმიერ შემთხვევაში, მატჩი საინტერესო გამოდგა.

თუ ისე ვითამაშებთ, როგორც "სოსიედადთან", შევძლებთ იმის გამეორებას, რაც პსჟ-სთან მატჩში მოვახერხეთ. საკუთარი ძალების გვჯერა და გულშემატკივარსაც შეუძლია, რომ ჩვენი სჯეროდეს."-განაცხადა რაკიტიჩმა.