"ბარსელონა" "ვოლფსბურგის" მცველით დაინტერესდა
"ბარსელონას" ხელმძღვანელობა "ვოლფსბურგის" მცველის, რიკარდო როდრიგესის მიმართ ინტერესს იჩენს, იტყობინება Mundo Deportivo.
ადრე გავრცელდა ინფორმაცია, რომ შვეიცარიელი ფეხბურთელი "მილანში" გადასვლას აპირებს და "მგლებმა" უკვე პრაქტიკულად შეათანხმეს იტალიურ გრანდთან ტრანსფერის პირობები. ამ ტრანსფერის თანხამ 18 მილიონი ევრო უნდა შეადგინოს. მიუხედავად ამისა, კატალონიურ კლუბში თვლიან, რომ მათ აქვთ შანსი "როსონერის" ეს გარიგება ჩაუშალონ: "ბარსელონას" კოზირი ისაა, რომ როდრიგესს ჩემპიონთა ლიგაზე თამაში გარანტირებული აქვს, "მილანს" კი, როგორც მოგეხსენებათ, ევროპის ყველაზე პრესტიჟულ საკლუბო ტურნირზე დიდი ხანია არ უთამაშია და ამის შანსი ახლაც არ აქვთ. გარდა ამისა, მნიშვნელოვანია ის ფაქტიც, რომ როდრიგესი "ლურჯ-ბროწეულისფერთა" რიგებში თამაშზე ყოველთვის ოცნებობდა.
ამ სიახლეზე კომენტარები გათიშულია.
კომენტარები [ 6 ]