ნეიმარი „ბარსელონას“ არ დატოვებს

კატალონიის "ბარსელონას" ბრაზილიელმა ვარსკვლავმა, ნეიმარმა პრესაში გავრცელებული ჭორები უარყო, რომლის თანახმად, თავდამსხმელი კლუბს ხუან კარლოს უნსუეს დარჩენის შემთხვევაში დატოვებდა. 

"მე აქ ყოფნა მსურს, სწორედ ამიტომ გავახანგრძლივე კონტრაქტი კლუბთან. "ბარსელონაში" ყველაფრით კმაყოფილი ვარ. თავს ისე ვგრძნობ, როგორც საკუთარ სახლში, თანაგუნდელებზე კი მხოლოდ კარგის თქმა შემიძლია. 

სამწუხაროა, რომ ლუის ენრიკე გუნდს ტოვებს, მასთან ერთად ბევრი შესანიშნავი მომენტი გავიზიარეთ. მე მომწონს მისი მუშაობის სტილი, ენრიკე მსოფლიოში ერთ-ერთი საუკეთესო სპეციალისტია. ჩვენ მას ყოველივე საუკეთესოს ვუსურვებთ იმისთვის, რაც მან გვასწავლა. ახლა კი წინსვლა უნდა განვაგრძოთ." - განაცხადა, ნეიმარმა.