ნეიმარის აგენტს 4.5 წლით პატიმრობა მიუსაჯეს
"ბარსელონას" ბრაზილიელი ვარსკვლავის, ნეიმარის გარშემო მიმდინარე სასამართლო დავებს ბოლო არ უჩანს. ამჯერად, სამართალდამცავები ფეხბურთელის აგენტს მიადგნენ.
Globoesporte-ს მიერ გავრცელებული ინფორმაციის თანახმად, ნეიმარის აგენტს, ვაგნერ რიბეირუს, 2002-2005 წლებში გადასახადების გადაუხდელობის გამო, 4.5 წლით პატიმრობა მიუსაჯეს. დროის ამ მონაკვეთში, რიბეირუმ მილიონ ევროზე მეტი გამოიმუშავა, მაგრამ დეკლარაციაში მხოლოდ 165 ათასი ევრო მიუთითა.
სასამართლოს გადაწყვეტილებით, რიბეირუ, საწყის ეტაპზე, ციხეში არ ჩაჯდება და მას სასჯელის გასაჩივრების უფლება ექნება. თუმცა, ნეიმარის აგენტს ქვეყნის დატოვება აეკრძალა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 19 ]