"ბარსელონას" რაფინიას 30 მილიონად გაყიდვა უნდა

კატალონიური კლუბი ბრაზილიელი შემტევი ნახევარმცველის უახლოესი სატრანსფერო ფანჯრის დროს გაყიდვას აპირებს და მას 30 მილიონ ევროდ აფასებს. ამ ინფორმაციას Marca ავრცელებს.

მადრიდული გამოცემის ცნობით, რაფინიას მეტი სათამაშო დრო სურს, "ბარსელონა" კი მზადაა მას შეელიოს, თუ რომელიმე კლუბი 30 მილიონს გადაიხდის.

ასევე ვრცელდება ინფორმაცია, რომ 24 წლის ფეხბურთელის შეძენის სურვილს "რომა", "იუვენტუსი" და "ლივერპული" გამოთქვამენ.