"ბარსელონამ" თვალი "ესპანიოლის" მცველს დაადგა

RAC1-ს მიერ გავრცელებული ინფორმაციის თანახმად, "ბარსელონა" "ესპანიოლის" 20 წლის მარცხენა მცველის, აარონ მარტინის შეძენითაა დაინტერესებული.

წყაროს ცნობით, კატალონიურ კლუბებს, ამ საკითხთან დაკავშირებით, ერთმანეთთან კომუნიკაცია უკვე ჰქონდათ. "ესპანიოლის" წარმომადგენლებმა "ბარსელონას" აცნობეს, რომ ფეხბურთელის შესაძენად, მისი გამოსასყიდი თანხის სრულად გადახდა იქნება საჭირო. თუმცა, ჟურნალისტები არ ფლობენ ინფორმაციას, რამდენია ეს გამოსასყიდი თანხა.

აარონ მარტინმა, გასულ სეზონში, თავი კარგად წარმოაჩინა და არა მხოლოდ "ბარსელონას", არამედ "რეალის" ინტერესიც გამოიწვია.