ვილარუბი: "სასჯელის ცვლილებაზე გავლენა რონალდუს პრობლემამ მოახდინა"

"ბარსელონას" ვიცე-პრეზიდენტმა, კარლეს ვილარუბიმ ისაუბრა ესპანეთის უზენაესი სასამართლოს გადაწყვეტილებაზე ლიონელ მესის სასჯელთან დაკავშირებით და განაცხადა, რომ მოვლენების ამგვარი განვითარება კრიშტიანუ რონალდუს პრობლემებმა გამოიწვია, რომელსაც პროკურატურა 14.7 მილიონი ევროს გადაუხდელობაში ადანაშაულებს.

სასამართლომ ლიონელ მესის სასჯელი, 21-თვიანი პატიმრობის სახით, ფულადი ჯარიმით შეცვალა. დღიური გადასახადი მაქსიმალურია - მესის 252 000, ხოლო მამამისს 180 000 ევრო დაეკისრა.

"ვფიქრობ, ანალოგიური პრობლემა სხვა ფეხბურთელს რომ არ ჰქონდეს, მოვლენები ასე არ განვითარდებოდა. ყველაფერი ერთი მიზნით ხდება - რონალდუ ბრალდებულთა სკამზე არ უნდა დაჯდეს. მათ არ სურთ, რომ ასეთ მდგომარეობაში ჩავარდნილი კრიშტიანუს ფოტოები გავრცელდეს, მაგრამ ლეოს ამის გადატანა მოუწია. მსურს, პორტუგალიელს ისეთი უდანაშაულობის პრეზუმფცია ჰქონდეს, როგორიც არგენტინელს. 

ლეოზე ამბობდნენ, რომ ის მაფიოზთა კლანის უფროსია, ახლა კი ფინანსთა მინისტრი რონალდუს უდანაშაულობის პრეზუმფციაზე საუბრობს."-ამბობს ვილარუბი.