ვერატი, შესაძლოა, მალე პსჟ-ს განკარგულებაში აღარ იყოს
"პარი სენ-ჟერმენის" იტალიელი ნახევარმცველი მარჯო ვერატი, შესაძლოა, პარიზული კლუბის ბანაკში აღარ დაბრუნდეს და გუნდის პრე-სეზონზე, რომელიც 4 ივლისს იღებს სტარტს, მონაწილეობა არ მიიღოს.
ესპანური გამოცემა "სპორტის" ინფორმაციით, ამის მიზეზი ის არის, რომ კატალონიის "ბარსელონამ" 24 წლის იტალიელი ნახევარმცველის ტრანსფერზე მოლაპარაკებები უკვე დაიწყო.
აღსანიშნავია ის ფაქტიც, რომ "პარი სენ-ჟერმენმა" ამერიკული ტურნეს პოსტერზე მარკო ვერატი არ გამოაჩინა, რაც გავრცელებულ ეჭვს კიდევ უფრო ამძაფრებს.
ადრე გავრცელებული ინფორმაციის თანახმად, "ლურჯ-ბროწეულისფრები" მზად არიან მარკო ვერატის სანაცვლოდ პარიზულ კლუბს 100 მილიონი ევრო დაუთმონ.
იმ შემთხვევაში თუ ვერატის ტრანსფერი ჩაიშლება, "ბარსელონა" "ლესტერის" რიად მაჰრეზსა და "მანჩესტერ იუნაიტედის" ანდერ ერერაზე გადაერთვება.
ამ სიახლეზე კომენტარები გათიშულია.
კომენტარები [ 8 ]