კაზემირო ნეიმარს "რეალის" კარს უღებს
როგორც ჩანს, მადრიდის "რეალის" ბრაზილიელმა ნახევარმცველმა, კაზემირომ, კიდევ უფრო გააღვივა ის ნაპერწკალი, რომელიც ნეიმარის პსჟ-ში შესაძლო გადასვლამ აანთო. როგორც იცით, მადრიდელები ასევე შეერთებულ შტატებში იმყოფებიან და გავრცელებული ინფორმაციით, თანამემამულემ "ბარსელონას" შემტევს "რეალში" გადასვლა შესთავაზა.
კაზემირომ აღნიშნულ საკითხზე Globo-სთან ინტერვიუში ისაუბრა "მანჩესტერ იუნაიტედთან" მატჩის შემდეგ, რომელშიც მან პენალტის გატანა მოახერხა.
"მან იცის, რაც უნდა გააკეთოს. რატომ არა მადრიდის "რეალი"? აქ მას მივესალმებით." - განაცხადა კაზემირომ ნახევრად ხუმრობით.
"მე მასთან ბოლო დროს არ მისაუბრია. ის შესანიშნავი ფეხბურთელია და მისით აღტაცებული ვარ. მან იცის რასაც აკეთებს და მამამისიც კარგი პიროვნებაა. თუ ნეიმარი "ბარსელონას" დატოვებს, წარმატებებს ვუსურვებ. მაშინაც, თუ იგი დარჩება. ის ბრაზილიის ნაკრებისთვის მნიშვნელოვანი მოთამაშეა და მისი კარგი ფეხბურთი ყოველთვის გვეხმარება."
ამ სიახლეზე კომენტარები გათიშულია.
კომენტარები [ 11 ]