ალენია: "ვიმედოვნებ, ვალვერდე აკადემიას ენდობა"
"ბარსელონაში" ნახევარმცველობა საკმაოდ რთული პოზიციაა და მოედნის ცენტრში მოსახვედრადაც საკმაოდ დიდი კონკურენციაა. კარლეს ალენია, რომელმაც გუშინ სასტარტო შემადგენლობიდან დაიწყო რაკიტიჩთან და ბუსკეტსთან ერთად და მოედანზე 45 წუთი გაატარა, მატჩის შემდგომ კომენტარს აკეთებს.
"დღეს ამ ვარსკვლავებთან ერთად პირველად მოვხვდი სასტარტო შემადგენლობაში. ოცნება ამიხდა, აქამდე მესისთან და ნეიმართან ერთად არ მითამაშია."
ახალგაზრდა ფეხბურთელმა აღნიშნა, რომ პრე სეზონში მის მიერ ნაჩვენები თამაშით მთავარი მწვრთნელი კმაყოფილია. "მაგრამ ჯერ მომავალზე არ გვისაუბრია. აქ თამაში ძალიან მინდა, თუმცა ვიცი, რომ ჯერ კიდევ ბევრი მუშაობა მჭირდება."
"ვალვერდემ უკვე დამანახა, რომ ის ლა მასიას ყურადღებას აქცევს და იმედი მაქვს, აკადემიას ენდობა."
ალენიამ ისიც განაცხადა, რომ ვალვერდეს თავკაცობის პირველ დღეებში მისგან უკვე ბევრი რამ ისწავლა და მის ნდობას შრომით უპასუხებს.
რაც შეეხება ნეიმარის ტრანსფერს, ნახევარმცველი იმედოვნებს, რომ ბრაზილიელი გუნდში დარჩება. "ის უნიკალური მოთამაშეა და ჩვენ გვჭირდება."
ამ სიახლეზე კომენტარები გათიშულია.
კომენტარები [ 6 ]