ნეიმარის მამას ერთ კვირაში 62 მლნ. ევროს გამომუშავების შანსი აქვს
კატალონიის "ბარსელონას' ბრაზილიელი ფორვარდის, ნეიმარ ჟუნიორის მამა ნეიმარ სენიორი, რომელიც ასევე მისი აგენტია, თავისი შვილის "პარი სენ-ჟემრენში" ტრანსფერის შემთხვევაში, მომდევნო კვირაში 62 მილიონ ევროს გამოიმუშავებს.
ნეიმარის კონტრაქტში გათვალისწინებული იყო პუნქტი, რომ თუ ბრაზილიელი 2017 წლის 31 ივლისს "ბარსელონას" ფეხბურთელი იქნებოდა, მამამისი ე.წ. "ერთგულებისთვის" 26 მილიონ ევროს მიიღებდა და ასეც იქნება.
გარდა ამისა, თუ ნეიმარი 31 ივლისის შემდეგ "პარი სენ-ჟერმენის" ფეხბურთელი გახდება, მამამისი პარიზული კლუბისგან ბონუსის სახით 36 მილიონ ევროს მიიღებს. თუ ეს ტრანსფერი შედგა, იგი 1 კვირაში 62 მილიონ ევროს მოუყრის თავს.
პრესაში ვრცელდება ინფორამცია, რომ ნეიმარის მამა განგებ აჭიანურებდა პსჟ-ში ტრანსფერს, რათა "ბარსელონასგან" კუთვნილი თანხა მიეღო, ამის შემდეგ კი თავისუფლად შეძლებს პსჟ-სთან მოლაპარაკების დასრულებას.
ამ სიახლეზე კომენტარები გათიშულია.
კომენტარები [ 6 ]